ಮತಾಂತರ ಮಾಡಲು ಬಂದ ಮಿಷನರಿ ಕಾರ್ಯಕರ್ತರು : ಗ್ರಾಮಸ್ಥರ ಒಗ್ಗಟ್ಟಿನ ಆಕ್ರೋಶಕ್ಕೆ ಸ್ಥಳದಿಂದ ಕಾಲ್ಕಿತ್ತು ಓಡಿದರು

ಈ ಸುದ್ದಿಯನ್ನು ಶೇರ್ ಮಾಡಿ

ಚಾಮರಾಜನಗರದಲ್ಲಿ ಮತಾಂತರ ನಡೆಸಲು ವಿಫಲ ಯತ್ನ ನಡೆಸಿದ್ದಾರೆ ಎಂದು ವರದಿ ಆಗಿದೆ. ಕೊಳ್ಳೇಗಾಲ ತಾಲೂಕಿನ ಕುಣಗಳ್ಳಿ ಗ್ರಾಮದಲ್ಲಿ ಇಂದು ಬೆಳಗ್ಗೆ ಕೊಳ್ಳೇಗಾಲದ ಬೇತೇಲ್ ಚೆರ್ಚ್‌ನವರು ಮತ ಪ್ರಚಾರಕ್ಕೆ ಮುಂದಾದಾಗ ಸ್ಥಳೀಯ ಯುವಕರು ಪ್ರತಿಭಟಿಸಿ, ಮತಾಂತರಕ್ಕೆ ಯತ್ನಿಸಿದವರನ್ನು ಗ್ರಾಮದಿಂದಲೇ ಓಡಿಸಿರುವ ಘಟನೆ ಜರುಗಿದೆ.ಹಿಂದೂಗಳನ್ನು ಕಾನೂನು ಬಾಹಿರವಾಗಿ ಮತಾಂತರ ಮಾಡುತ್ತಿರುವ ಸ್ಥಳೀಯ ಕ್ರಿಶ್ಚಿಯನ್ ಮಿಷನರಿಗಳ ವಿರುದ್ಧ ಕುಣಗಳ್ಳಿ ಗ್ರಾಮಸ್ಥರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈಗಾಗಲೇ ತಾಲೂಕಿನ ನೂರಾರು ಕುಟುಂಬಗಳು ಮಿಷನರಿಗಳ ಷಡ್ಯಂತ್ರದಿಂದ ಮತಾಂತರಗೊಂಡಿವೆ ಎಂದು ಆರೋಪಿಸಿದ್ದಾರೆ.

ಕೊಳ್ಳೇಗಾಲ ತಾಲೂಕಿನ ಕ್ರೈಸ್ತ ಮಿಷನರಿಗಳ ಜನರು ಎರಡು ವ್ಯಾನ್ ಮತ್ತುಕಾರಿನಲ್ಲಿ ಸುಮಾರು 30 ಜನರು ಸೇರಿ ಮತಾಂತರದಲ್ಲಿ ತೊಡಗಿದ್ದರು. ಸಾರ್ವಜನಿಕವಾಗಿಯೇ ಮೈಕು, ಸ್ಪೀಕರ್‌ಗಳನ್ನು ಬಳಸಿ ಕಾನೂನುಬಾಹಿರವಾಗಿ ಮತಪ್ರಚಾರದಲ್ಲಿ ತೊಡಗಿದ್ದರು. ಗ್ರಾಮದ ನಾಯಕರ ಬಡಾವಣೆ ಮತ್ತು ಉಪ್ಪಾರ ಬಡಾವಣೆಯಲ್ಲಿ ಕರಪತ್ರ ಹಂಚುತ್ತಿದ್ದಾಗ ಗ್ರಾಮದ ಯುವಕರು ವಿರೋಧ ವ್ಯಕ್ತಪಡಿಸಿದ್ದಾರೆ.ಮತಪ್ರಚಾರದಲ್ಲಿ ನಿರತರಾಗಿದ್ದವರನ್ನು ತಡೆದು, ನಿಮ್ಮ ಚರ್ಚುಗಳಲ್ಲಿ ಹಿಂದೂ ದೇವರನ್ನು ಪೂಜಿಸಲು ಅವಕಾಶ ನೀಡುತ್ತೀರಾ? ಎಂದು ಪ್ರಶ್ನಿಸಿದ್ದಾರೆ. ಚರ್ಚುಗಳಲ್ಲಿ ಹಿಂದೂ ದೇವರ ಆರಾಧನೆಗೆ ಅವಕಾಶ ಇಲ್ಲ ಎಂದ ಮೇಲೆ ಹಿಂದೂ ದೇವರನ್ನು ಆರಾಧಿಸುವ ಜಾಗದಲ್ಲಿ ಅನ್ಯಧರ್ಮ ಪ್ರಚಾರಕ್ಕೆ ಅವಕಾಶವಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೂಡಲೇ ಧರ್ಮಪ್ರಚಾರದಲ್ಲಿ ತೊಡಗಿದ್ದವರು ಅಲ್ಲಿಂದ ಕಾಲು ಕಿತ್ತಿದ್ದಾರೆ.ಮತಪ್ರಚಾರಕರು ಪಾಪ, ರೋಗಗಳ ಬಗ್ಗೆ ಜನರಲ್ಲಿ ಭಯ ಹುಟ್ಟಿಸಿ, ಎಲ್ಲ ಸಮಸ್ಯೆಗಳಿಗೂ ಬೈಬಲ್‌ ಪರಿಹಾರ ನೀಡಲಿದೆ ಎಂಬಂತಹ ಸಾಹಿತ್ಯಹೊಂದಿರುವ ಕರಪತ್ರಗಳನ್ನು ಬಳಸಿ ಮತಾಂತರದಲ್ಲಿ ತೊಡಗಿದ್ದರು.

Loading...

Leave a Reply

Your email address will not be published. Required fields are marked *